Koffie en Pekan Glutenvrye koekies

Koffie en Pekan Glutenvrye koekies

Hierdie koekies is regtig vinnig en maklik om te maak en indien jy nie van koffie hou nie laat dit net uit die resep.

Ryspapier
100 g (1k) fyn gekapte pekans
225 g (1k) strooisuiker
30 mℓ (2e) rysmeel
10 mℓ (2 t) koffie poeier
2 eierwitte
Ekstra strooisuiker vir sprinkel

 

Voorverhit oond na 180℃ en voer twee bakplate met ryspapier uit. Die ryspapier gee die koekies ‘’n voetjie en verhoed dat die koekie te veel sprei as dit bak.

Meng die droë bestanddele met mekaar. Voeg die neute by en roer goed deur.

Voeg die eierwitte by die meel en neut mengsel en roer totdat dit ‘’n stywe pasta vorm. Plaas in spuit sak wat nie ‘’n neus het en spuit R5 muntstuk hopies ongeveer 4 cm uitmekaar. Sprinkel met strooisuiker.

Bak vir 20 minute.  Laat goed afkoel en breek die ekstra ryspapier aan die kante van die koekies af. Doop in sjokolade indien verkies.

Hoeveelheid: 20 koekies.

Print Friendly, PDF & Email
2017-03-29T21:16:42+00:00 0 Comments

Leave A Comment