Red Velvet Bundt koek

Red Velvet Bundt koek

Hierdie is ‘n wonderlike gebak wat jou telkens as jy dit sny, verras met sy keurspel van kleure. Ek bedien die koek met ‘n maaskaas drup sousie op die kant.

Hier stel ek voor om jou panne met die Koekepanne smeer resep van my uit te verf. Die resep se link is onder aan die bron beskikbaar. Hierdie resep van pan voorbereiding voorkom dat die koek gaan vas sit. So, los maar die kleefwerende kos sproei en maak jou eie. Dus is die geheim van hierdie koek, dat dit glad en egalig uit die pan moet kom, die koek word nie versier nie.

Indien jy nie die koek rooi wil hê nie, wel, dan maak ons dit ‘n rëenboog kleur of net wit en bruin. Wees ook op die uitkyk by die bakkers winkels vir die swart kakao…dit gee die mooiste swart glinsterende krummel!

Resep
400 g Koekmeel
40 g Mielieblom, Maizena
½ t Sout
15 ml Bakpoeier
½ t Koeksoda
250 g Botter, kamertemperatuur
500 g Wit suiker
125 ml Griekse yoghurt of Karringmelk
15 ml Vanielje geursel
5 Eiers, groot
125 ml Melk
50 g Kakao
75 ml Melk
15 ml Moir’s Krimson Red voedsel kleursel

Metode
1. Voorverhit oond na 180 ℃ en berei pan voor deur dit goed uit te voer met ‘n goeie kleefwerende middel soos die Koekepanne smeer.

2. Sif die koekmeel, bakpoeier, koeksoda en sout saam.

3. Verroom die suiker en botter totdat die mengsel lig en romerig is. Dit neem gewoonlik so 5 minute om die perfekte dikte te kry. Klop nou die geursel, karringmelk of yoghurt by. Klop tot die mengsel weer mooi egalig is.

4. Voeg nou die eiers een vir een by en klop goed sodat die mengsel weer een word, voordat die volgende eier by gevoeg word. Neem jou tyd, want dit bepaal die perfekte tekstuur vir jou bundt koek.

5. Vou nou die meel mengsel met ‘n kokslepel by die eiermengsel in. Voeg ook die melk by met die derde roer. Draai die bak in die rondte as jy meng en volg ‘n figuur 8 vanuit die middel van die bak.

6. Neem ‘n aparte bak en skep 2½ k van die koekbeslag uit. Meng nou die Red Velvet bestanddele alles eers met mekaar en voeg dan by die beslag. Roer die mengsel met draai klitser goed deur.

7. Gebruik die grootste roomys scoop wat jy het, of as jy nie een het nie gebruik ‘n maatkoppie wat ‘n ¼ k aandui of 60 ml. Skep nou eers van die wit beslag in die pan in klein hopies. Skep dan weer van die rooi mengsel op die wit hopies. Hou so aan totdat jy klaar is. Jy kan ‘n stokkie deur trek as jy wil…maar vir my lyk hierdie pragtig. Maar, geen reel, jy kan speel soos dit vir jou werk.

8. Bak die beslag vir 50 – 60 minute. Ek bak die koek vir die eerste 20 minute by 180 ℃ en verlaag dan die temperatuur na 170 ℃ vir die res van die baktyd. Laat die koek dan vir 15 minute afkoel voordat jy dit op ‘n draadrak om keer om af te koel.

9. Hierdie koek word nie met ‘n versiersel versier nie. Dit kan met versiersuiker, sjokolade splinters, verglansde vrugte, kakao ens versier word. Ek is egter effens stout en bedien dit met die volgende sousie in ‘n klein melkbekertjie vir die gas om self oor te gooi indien hul so sou verkies.

Sousie vir individuele porsies koek
250 ml gewone yoghurt – ek verkies die dikker Greekstyle
200 g Maaskaas, nie roomkaas
½ k versiersuiker of
½ blikkie kondensmelk
5 ml vanielje of karamel geursel

Metode
1. Meng al die bestanddele saam en plaas in melkbekertjies.

Link na koekepanne smeer 
http://boerekostwist.blogspot.co.za/2016/03/koekepanne-smeer.html

Bron: Annelien Pienaar, 2016, BKT Kook klasse: boerekostwist@gmail.com

Hoeveelheid: 1 groot koek.

 

 

Print Friendly, PDF & Email
2017-04-08T09:24:45+00:00 0 Comments

Leave A Comment